🌹🌹हनुमान जयंती🌹🌹

चैत सुदी की पुण्यून हनुमान जयंती' होवाई दिन सब जन
हमानजी को श्रृंगार कर। पूजा कर, आरती कर और भोग
लगावाई दिन सुबह क समय मा आपक लङका न हाथ स
खिलाव तो ऊंकी उम्र बढ़, कष्ट दूर होव। घड़ा और सीदा दान
कर।..
           🌹🌹हनुमानजी को भजन🌹🌹
जै श्री बालाजी महाराज, अनोखी थारी झांकी।
जो सन्त की करो सहाय, अनोखी थारी झांकी।
थार माथ मुकुट विराजे, कान म कुण्डल साज,
बाबा गल विराजे हार, अनोखी थारी झांकी।
थारे नैना म सुरमो साजे, माथ पर तिलक बिराजे,
बाबा मुख म नागर पान, अनोखी थारी झांकी।🌹
थारे अंग म चोलो साजे, ऊपर न वृक्ष बिराजे,
बाबा रोम रोम म राम, अनोखी थारी झांकी।
धारे हाथ म लाडू साजे, दूज म गदा विराजे,
बाबा घाटे की बलिहार, अनोखी थारी झांकी।
थारे पगां पैजनी साजे, चलता की छिम छिम बाजे,
बाबा चलगत की बलिहार, अनोखी थारी झांकी।
लक्ष्मण न मूरछा आई, संजीवन बूटि ल्यायो,
बाबा ल्यायो पहाड़ उठाय, अनोखी थारी झांकी।
लङ्का म आग लगाई, सूरज की चाल थमाई,
जा समुन्दर म गेरया पहाड़ अनोखी थारी झांकी॥
रावण न मार गिरायो, यो राज विभीषण पायौ,
बाबा ल्यायो सीता न साथ, अनोखी थारी झांकी॥
सीता जद पाछी आई, अयोध्या म बजै बधाई,
बाबा लडुवाँ की बोछाड़, अनोखी थारी झांकी।
जा म्हारी  करो सहाय, अनोखी थारी झांकी ।।

             🌷🌷हनुमानजी को गीत🌷🌷
बाबा बजरंग जीरो बुगलो हद बण्यो"
कोठे तो बाजाजी हनुमान बाजीआ, कौठे तो धुर्याछ निशान॥ बाबा"
सालासोरबजाये झाझन बाजीया, सेबकांकधुर्याछनिशान। बाबा"
कुण चिणायो बाबाजी थारो देवरो, कुण दिवाई गज नीम ॥बाबा"
राजाजी चिणायो म्हारो देवरो, सेतकां दिवाई गज नीम ॥बाबा"
कैर को साम बालाजी थारो देवरो, कैर कोसाम जगा जोत॥ बाबा"
अस्सी ए कोसा म जातन देवरो, सारी सृष्टि म जगा जोत॥बाबा"
जात्री तो आव बालाजी थार दूर का, सांवलियाजी मोटयार॥बाबा"
जात न आव बालाजी थार कुल बहू, गोद जडूल जी पूत॥बाबा"

चढ़ाये चढ़ाव बालाजी थार चूरमो, और चुटबाला नारेल ॥बाबा "....

धन्य माता अंजनी थारी कूखन जाया, छ हनुमत सरीसा पूत॥बाबा"...

बाग बिलुन्दी लङ्का दलमली, सार्या राजा रामचन्द्रजी काज ॥ बाबा..

लाल लंगोटो तिलक सिन्दूर को, बैठ्यो बाबा आसन डाल ॥ बाबा..

फलतो तो फूलजोजी सेवको नीमजू, थारी तो भदजो जी बेल ॥बाबा......

सेवकां की करो रिछपाल, सेवकां का कारज सार।। बाबा...

                 🌹🌹जय श्री राम🌹🌹